كورتە فلمێ (ئاستەنگ و ڕێ) گەهشتە قووناغا دووماهییێ
زنار تۆڤی
دەرهێنەر (محەمەد ژووری) د دیدارەكێ دا بۆ رۆژناما ئەڤرۆ دیار كر كو كورتە فلمێ وی دەمێ نەهـ خۆلەكن، هەروەسا كارێ نڤیسین و دەرهێنانێ و بەرهەمئینانێ بۆ فلمی كرییە، ل گەل هندێ ئەكتەرێن سەرەكی یێن پشكداری د ڤی كورتە فلمی دا كری پێك دهێن ژ (ئارات ژووری و ئێڤا كوردیش و فەلەك رەمەزان و ئۆلین ئەدیب و شەمال دۆسكی) پشتەڤانیا تەكنیكی هەموو ژلایێ بەهدین پرۆدەكشن رێنتال ڤە هاتییە كرن، كارێ دی ئۆ پی ژلایێ میرزۆ هشیار ڤە هاتییە كرن، ژلایێ مادیڤە، كو لایەنەكێ كێم پشتەڤانی كرییە، ئەو ژی جێس ئۆلتراڤل و فرات ئۆزون هاریكارییا مە كرییە.
. هەروەسا گۆت: ئەڤ كورتە فلمە ل كەمپا شارییا هاتییە وێنەكرن، ستافەكێ گەنج كار تێدا كرییە، كو هەموو خەلكێ دهۆكێ نە و بەری نوكە ئەڤ كورتە ل فلمە ل فیستیڤالا سلێمانیێ ل بەشێ پێشبركێ دابوو، نوكە ل پاریس ل فیستیڤالا ئارتیكالس هیومەنتیا 2026 ێ، فلمێ مە چوویە قۆناغا دووماهییێ و بەربژارە بۆ وەگرتنا خەلاتان.
