كوردێن رووسیا: مه ئومێد ب ئه‌زموونا هه‌رێمێ و سه‌كردایه‌تیا سه‌رۆك بارزانى هه‌یه
ئه‌ڤرۆ نیوز:
سه‌رۆك بارزانى ل سه‌لاحه‌دین پێشوازیا شانده‌كێ كۆمه‌لا یه‌كبوون یا كوردان ل باژێرێ سان پێترزبۆرگێ رووسى كر، شاندێ كوردێن رووسیا دیاركر كو گه‌لێ كورد ل رووسیا و سه‌رانسه‌رى جیهانێ ئومێد ب ئه‌زموونا هه‌رێما كوردستانێ و سه‌كردایه‌تیا سه‌رۆك بارزانى هه‌یه بۆ وێ یه‌كێ گه‌لێ كورد بشێت ل سه‌ر ئه‌ردێ خوه سه‌ربخو بیت و خودان بڕیارا خوه بیت و دووپاتى ل وێ یه‌كێ كر كو وه‌كو پێشمه‌رگه ئه‌و د به‌رهه‌ڤن ل هه‌ر جهه‌كێ بیت خزمه‌تا كوردستانێ و ئارمانجا بلندا گه‌لێ كوردستانێ بكه‌ن، د به‌رامبه‌ر دا، سه‌رۆك بارزانى سوپاسیا هه‌لویستێ وان یێ نیشتمانى كر و هیڤى خواست كو په‌یوه‌ندى و هاتن و چوون د ناڤبه‌را گه‌نجێن كورد ل رووسیا و كوردستانێ یا به‌رده‌وام بیت و به‌ره‌ڤ پێشڤه بچین.
بارزانى ئاماژه ب وێ یه‌كێ ژى كر كو پێشمه‌رگه‌ى ب خوونا خوه تۆله ژ تیرورستێن داعش ڤه‌كر و شنگال و چیایێ شنگال و رێیێن شنگال ئازادكرن و پشتى ئازادبوونا شنگال، ئارمانجا سه‌ره‌كى ئه‌وه كو شنگال بهێته ئاڤه‌دان كرن و خه‌لكێ وێ و ده‌وروبه‌ران بشێن ده‌ست ب ژیانا خوه یا ئاسایى بكه‌ن.
