كورد دێ بایكۆتا روونشتنا پەرلەمانێ عێراقێ دەربارەی بوودجەی کەن
ئەڤرۆ نیۆز ، زنار تۆڤی:
سەرحان سلێڤانەیی ئەو ئەندامەکێ لیژنا دارایی ل پەرلەمانێ عێراقێ راگەهاندیە،کو بریارە سوبەهی پەرلەمانێ عێراقێ كۆمببیت و خواندنا ئێکێ دێ بۆ پرۆژە یاسایێ بودجەی کەت، بەلێ كورد دێ بایكۆتا وێ كۆمبوونێ كەن.
هەروەسا دیارکریە،د ماوێ بوریدا كورد و سوننەیان تێبینیێن خۆ دەربارەی پڕۆژە یاسایێ بودجەی ئاراستەی حوکمەتا بەغدا کرینە بۆ هندێ کو د پرۆژە یاسایێ بودجێ گشتی یێ عێراقێدا جێگیر بكەن، بەلێ هەتا نوکە ئەو داخوازی نەهاتینە جێبەجێ کرن و بریارە سوبەهی جارەکادیتر پەرلەمان وی پرۆژە یاسای بێخیتە بەرنامەیێ كاری بۆ هندێ کو خواندنا ئێکێ بۆ وی پرۆژە یاسای بهێتە کرن،لێ یا دیار نینە کادێ پەرلەمان شێت خواندنا ئێکێ بۆ کەت یان نە،چونکی داخوازیێن کورد و سونەیان ل بەرچاڤ نەهاتینە گرتن.
هەروەسا سەرحانی گوتیە،ئەڤرۆ فراكسیۆنێن كوردستانی ل پەرلەمانێ عێراقێ كۆمبووینە و وان بریار دایە،کو سوبەهی بەشداریێ د وێ كۆمبوونێدا نەكەن، چونكی داخوازیێن كوردان نەهاتینە جێبەجێ كرن،لەورا هەکه كورد بزانن هیچ گرەنتییەك نینە بۆ جێبەجێكرنا داخوازیێن وان، سوبەهی دی بایكۆتا كۆمبوونێ كەن و بەشداریێ تێدا ناكەن.
وەکو دیار گرنگترین داخوازیێن كوردان پێکهاتینە ژ پشكا هەرێما كوردستانێ کو ژ ١٧% وەك پێشتر كێمتر نەبیت و ناڤێ پارێزگەهێن هەرێما كوردستانێ بۆ حوکمەتا هەرێما كوردستانێ بهێتە گوهۆرین، بەلێ هەتا نوکە ئەو داخوازیێن كوردان نەهاتینە جێبەجێ كرن.
