كورد رێ ناده‌ن پارێزگاره‌كێ نوو بۆ مووسل بهێته دانان
ئه‌ڤرۆ نيوز:
سەرۆکێ لیستا برایەتی و پێکڤەژیانێ یا کوردستانی ل جڤاتا پارێزگەھا نەینەوا راگەھاند، لیستا نەھزە دخوازیت پارێزگەرەکێ نوو بۆ پارێزگەھا نیەنەوا بھێتە دیارکرن و لیستا کوردی ژی ڤێ چەندێ رەت دکەت.
سەیدۆ چەتۆ سەرۆکێ لیستا برایەتی و پێکڤەژیانێ ل جڤاتا پارێزگەھا نەینەوا بۆ مالپەرێ فەرمیێ پارتی گوت” مە بزاڤا لیستا نەھزە یا رەتکری، ژبەرکو ھەتا نوکە کێشا پارێزگەرێ نەینەوا ئەسیل نوجەیفی ل دادگەھێ نەھاتیە ئێکلاکرن و نابیت دەرگەھێ خوە بەربژارکرنێ بۆ پارێزگەرێ نوو بھێتە ڤەکرن، چونکی ل دووڤ قانوونێ پێدڤیە ئەو کێشە ئێکلا ببیت و پاشی دەرگەھێ خوە بەربژارکرنێ ڤەبیت، چونکی دبیت کێشە د بەرژەوەندیا پارێزگەرێ بەرێ نوجەیفی دا ئێکلا ببیت و وی دەمی نابیت دو پارێزگەر ھەبن”.