كورد پشكداریێ د روونشتنا په‌رله‌مانێ عیراقێ دا ناكه‌ن
ئه‌ڤرۆ نيوز:
بڕیاره ئێكشه‌مبیا بهێت، روونشتنا په‌رله‌مانێ عیراقێ بهێته سازكرن، موسه‌نا ئه‌مین سه‌رۆكێ فراكسیۆنا یه‌كگرتوویا ئیسلامیا كوردستانێ ل په‌رله‌مانێ عیراقێ دیاركر كورد پشكداریێ د وێ روونشتنێ دا ناكه‌ن.
موسه‌نا ئه‌مین دیاركر كو عه‌بادى به‌رهه‌ڤیا خوه یا دیاركرى كو ل گه‌ل فراكسیونێن كوردى روونیت، لێ هێشتا ل سه‌ر ژڤانێ كۆمبوونێ رێكنه‌كه‌فتینه.
موسه‌نا ئه‌مین ئاماژه ب وێ یه‌كێ كر هه‌تا پشتراستیا ئه‌منى ب وان نه‌هێته دان و نه‌زانن مه‌رجێن وان دێ بجه هێن، نا ڤه‌گه‌رنه په‌رله‌مانى.