كوشتنا به‌رازان ژى هاته قه‌ده‌غه‌كرن
بارزان، نەوزاد زادە ھلۆری:
چەتو رەشید محەمەد ژ لیژنا کومەلایەتی یا نزارێ بارزان دیارکر کو ئەوان چاڤدێریەکا چر لسەر پاراستنا ژینگەھا کوڤی و دارستانیا دەڤەرا بارزان ھەیە و بو ئەڤرۆ گۆت: “ھەموو سالەکێ ب تایبەتی د وەرزێ زڤستانێ دەما بەفر دباریت ھندەک ژ وەلاتیان ب بھاینەیا کوشتنا بەرازان دچنە ئاقاری و دپشت را ھندەک جورێن دن یێن کوڤیان مینا کەوان و سڤوران دکوژن و ھندەک ژی بەرازان دکوژن و ئەڤە د دەمەکێ دایە کو بەری نھاک وشتنا بەرازان دروست بوو”.
زێدەتر گۆت: “داکو ئێدی کووڤی د سلامەت و پاراستنی بن بریار ھاتیەدان کو نابیت بەراز ژی بھێنە کوشتن، ژبلی نە کوشتنا بەرازانان نابێت چوو جورێن کوڤیان بھێنە کوشتن خوە چەند د زیانداربن”
چەتو رەشید محەمەد ژ لیژنا کومەلایەتی یا نزارێ بارزان دیارکر ژی کو پشتی چوونا پێشمەرگەھێ ژینگەھێ بوو سەنگەرێن شەری سەرپێچیێن ژینگەھی پتر بووینە و گۆت: “دڤێت وەلاتیێن کوردستانێ ھەڤکاریا برایێن پێشمەرگێ ژینگەھێ بکەن ئەڤێن کو ئەرکی َخوە ھێلایی پێخەمەتی پاراستنا سەرومالێ وان و بلا ئەو ژی ئەرکێ وان پێشمەرگان وەربگرن ، و نھا ئەم وەکو لیژنا کومەلایەتیا نزارێ بارزان ب ئەرکێ پێشمەرگێ ژینگەھێ رادبین و ھەر کەسەکێ دەستدرێژیێ بکەتن سەر ژینگەھێ دێ پێرابوونێن یاسایی بەرامبەر ھێنەکرن کو ئەو ژی گرتن و غەرامەکرنە و چەک ژی دێ ژ وان ھێتە وەرگرتن”.
