ته‌قينه‌كا خۆكۆژى ل به‌رده‌رگه‌هێ حه‌شه‌دا عه‌شائيرى روودا
ئه‌ڤرۆ نيوز:
ژێده‌ره‌كێ ئه‌منى ژ پارێزگه‌ها ئه‌نبار راگه‌هاند كو ئه‌ڤرۆ رۆژا پێنجشه‌مبى ته‌قينه‌كا خۆكۆژى ل به‌رده‌رگه‌هێ باره‌گايێ حه‌شه‌دا عه‌شائيرى روودا و ژ ئه‌گه‌رێ وێ چه‌ندێ سێ كه‌س هاتنه كوشتن و شه‌ش ژى بريندار بوون.
ئه‌وى ژێده‌رى خۆكۆژ ب “ئه‌ندامێ داعش” ناڤ ئينا كو قاويشه‌كا مينرێژكرى گرێدابوو و جلكێن پۆليسان ل به‌ر خوه كربوون، هێرش كره سه‌ر باره‌گايێ حه‌شدا عه‌شائيرى ل باژێرێ كه‌رامه.
ئه‌ڤى ژێده‌رێ ناڤێ خوه ئاشكه‌را نه‌كرى گۆتژى: “هێزه‌كا هه‌ڤپشك يا سۆپا و حه‌شدا عه‌شائيرى ل زالگوها باره‌گايى بوون، شيان ئێك ژ وان هێرشكه‌ران بكوژن، به‌لێ ئه‌ڤێ دى خوه ته‌قاند”.
