كونترۆلا جۆرى ل سه‌ر ئينانا مۆبايلان نينه
ئه‌ڤرۆ نيوز، ناجی به‌ده‌ل:
زێده‌بوونا رێژا موبايلان د ناڤ بازارى دا بوويه ئه‌گه‌رێ وێ چه‌ندێ كو يێن ب كوالێتى و بێ كوالێتى ل گه‌ل تێكهه‌ل ببن و كۆنترۆلا جۆرى ژى هه‌تا نوكه چو كونترۆل ل سه‌ر نينه.
رێڤه‌به‌رێ كوالێتیا جوری ل پارێزگه‌ها دهۆكێ د. عه‌بدولخالق عه‌بدولا بۆ ئه‌ڤرۆ نیوز راگه‌هاند هه‌تا نها چ جۆره كونترۆله‌ك ل سه‌ر ئينانا موبايلانه نه‌بووينه و ل دبيت ل پاشه‌رۆژێ وه‌كو رێڤه‌به‌ريا وان پێشنياز كرى، كوالێتيا جۆرى ل سه‌ر مۆبايلێ ژى بهێته دانان.
خودانێ دوكانا رامان یا كه‌لوپه‌لێن مۆبایلان و سه‌خبێریكرنا وان، سه‌گڤان گه‌لناسكی، بۆ ئه‌ڤرۆ نیوز گۆت: “هاتنا زۆر یا مۆبایلان ل گه‌ل يێن بێ كوالێتی دبيته ئه‌گه‌رێ وێ چه‌ندێ كو نه‌هێنه ژێك جودا كرن”.
سه‌گڤان گۆتژى: “دڤێت لايه‌نه‌كێ په‌يوه‌نيدار ب ئه‌ڤى كارى رابيت، چونكو د هه‌مان ده‌م دا دبيته ئه‌گه‌ره‌ك كو پاره ژى گه‌له‌ك ژ هه‌رێمێ ده‌ركه‌ڤيت د ده‌مه‌كى دا كو فشاره‌كا ئابوورى يا مه‌زن يا ل سه‌ر هه‌رێمێ”.
