كونسۆلخانا ئه‌مريكا رۆهنكرنه‌كێ ل دۆر ڤيزا خواندنێ دده‌ت
ئه‌ڤرۆنيوز:
كونسۆلخانا ئه‌مريكى ل هه‌ولێرێ راگه‌هاند، ئه‌و قوتابيێن ژهه‌رێما كوردستانێ بۆ خواندنێ دچن ئه‌مريكا هه‌كه بڤێت زێده‌تر ژ 30 رۆژان به‌رى ده‌ستپێكرنا ده‌واما خواندنێ بچن، پێدڤيه داخوازه‌كێ پێشكێشى رێڤه‌به‌ريا ره‌گه‌زنامێ وكۆچنا ئه‌مريكى بكه‌ن.
ئه‌ڤرۆ سێشه‌مبى 2/1/2018 كونسۆلخانا ئه‌مريكا ل هه‌ولێرێ درۆهنكرنه‌كێ دا دياركر” ئه‌و قوتابيێن دخوازن زێده‌تر ژ 30 رۆژان به‌رى ده‌ستپێكرنا ده‌واما خواندنێ بچنه ئه‌مريكا، پێدڤيه مه‌رجێن ڤيزا گه‌شتيارى يا جۆرێ (B) وان ڤه‌گريت وبۆ ڤێ چه‌ندێ ژى به‌رپرسێن سنورى وگۆمركان دێ رێ پێده‌ن ب وێ ڤيزێ بچنه ناڤ ئه‌مريكا”.
ديسا دياركريه” پێدڤيه قوتابى داخوازيێ پێشكێشى رێڤه‌به‌ريا ره‌گه‌زنامێ وكۆچكرنا ئه‌مريكا بكه‌ت بۆ وێ چه‌ندێ ره‌وشا وى بهێته گوهۆرين بۆ قوتابى ل سه‌ر جۆرێ ڤيزا (F1) يان (M1)”.
كونسۆلخانا ئه‌مريكى راگه‌هاند ژى” قوتابى نه‌شێت ده‌ست ب خواندنێ بكه‌ت هه‌تاكو جۆرێ ڤيزا خوه نه‌گوهۆريت بۆ ڤيزا خواندنێ ودبيت ئه‌ڤه ژى پرۆسه‌كا درێژخايه‌ن بيت”.
