كوڕه‌كى بابێ خوه كوشت
ئه‌ڤرۆ نيوز، فاتما مزوورى:
هه‌وار ئه‌رگۆشى په‌یڤدارێ پۆلیسێن سۆران ژبۆ ئه‌ڤرۆ نيوز راگه‌هاند، ئێڤاریا دوهی ئه‌و هاتينه ئاگه‌هدار كرن كو روودانه‌كا كوشتنێ ل تاخێ سه‌روچاوه یا قه‌زایا سۆران چێبوویه.
په‌يڤدارێ پۆليسان گۆت: “پشتی گه‌هشتنا هێزێن ئه‌منی ژبۆ جهێ روودانێ ده‌ركه‌فتیه كو كوره‌كێ 29 سالی بابێ خوه ب چه‌قۆیێ كوشتیه”.
زێده‌تر گۆت: “ئه‌و كه‌سێ د وێ مالێ دا هاتیه كوشتن د عه‌سلێ خوه دا خه‌لكێ باژێرێ رۆژهه‌لاتا كوردستانێ یه”.
هه‌وار ئه‌رگۆشى ئاشكه‌را ژى كر د ده‌ستپێكئ ئه‌و قوربانی یی بریندار بوو، به‌لێ ژ به‌ر گرانیا برینا وی پشتی گه‌هاندیه نه‌خوه‌شخانێ گيانێ خوه ژ ده‌ست دایه.
دا زانين ژى كو تومه‌تبار ژ لايێ پۆلیسان ڤه هاتیه ده‌سته‌سه‌ركرن و رووپه‌لێ ڤه‌كۆلینان ژبۆ روودانێ هاتیه ڤه‌كرن.
په‌یڤدارێ پۆلیسێن سۆران ئاماژه ب وێ چه‌ندێ ژى كر كو دوهی دو رودانێن دى ژی ل سنورێ قه‌زا سۆران چێبوونه كو ئێك ژ وان خه‌ندقین بوو ئه‌وا دى ژی برینداركرن بووه.