كچا موختارێ كۆچۆ نهێنيا كه‌فتنا خه‌لكێ گۆندى بۆ ناڤ ده‌ستێ داعش ئاشكه‌را دكه‌ت
ئه‌ڤرۆ نيوز:
کچا مختارێ گۆندی کۆچو دبێژیت، رێکخراوا تیرۆرستی یا داعش فێل ل بابێ من وان کر و گۆتێ نە رەڤن چ نینە دێ ھەوە ئازاد کەین پشتی 13 رۆژێن دوورپێچکرنا گۆندی ھەموو ئێڤاریا داعش ل کوچکا بابی من د روونشتن و ئەم رازی دکرین کو نەرەڤین لێ ب خیانەت بابێ من کوشت.
دەلال ئەحمەد جاسو کچا مۆختاری گۆندی کۆچو بۆ ئەڤرۆ دیار کر، دەمێ تیرۆرستان گۆندێ کوچو گرتی ئێکسەر بابێ من نەچار کرن ھەموو خەلکێ گۆندی کۆم بکەت ل دەستپێکی چەک و تەقەنیی ژ زەلامان وەرگرتن دووڤدا دەست ب پشکنینا کچ و ژنان کرن و زیر و پارە ژ خەلکی وەرگرتن داعشا فێل ل بابی من کر و دگوتێ ئەم گەلەک حەز ژ تە دکەین و مە دڤیت ھاریکاریا ھەوە بکەین و گۆت: بۆ ماوێ 13 رۆژان بابێ من ھەولدان کرن ھەموو خەلکێ گۆندی پێکڤە ب رەڤن و خوە بگەھینە چیایێ شنگالێ لێ ھەر شەڤ داعشا گۆند دوورپێچ دکر و تیررۆستەک ب ناڤی (شێخ حەمزە) ھات گوتە بابێ من دێ ھاریکاریا ھەوە کەم نە رەڤن و ئەم چ ل کەسێ ناکەین وی تیرۆرستی گۆت دێ خەلکێ گۆندێ کوچو گەھینینە دووگری بۆ وێ چەندێ خەلک نێزیکی چیای ببن ھەتا بشێن خوە رزگار بکەن لێ ئەو ژی فێل بوو داعشا ل گەل مە بکار ئینای.
کچا مۆختاری گۆندی کۆچو دا زانین ژی کو ، ڤی تیرۆرستی گەلەک خیانەت ل بابێ وێ و خەلکێ گۆندێ کۆچو کر، چونکی ڤی تیرۆرستی رێک نەدا خەلکی خوە رزگار بکەن و شەڤێ رەخێن گۆندی تیرۆرست بەلاڤە دکرن دا کو کەس خوە رزگار نەکەت و گۆت: ھەردەم تیرۆرست شێخ حەمزە د گۆت دێ بۆ ھەوە رازیبوونێ ئینم ھەرن بگەھنە مرۆڤێن خوە ل چیایی شنگال ل رۆژا 15/8/2014 ئەم ھەموو ڤەگوھاستینە وێ قوتابخانا ل د گۆندی دا و ئێکسەر زەلام جۆدا کرن و ژن و کچ برنە قاتێ دویێ و پشتی دەمەکێ کێم دەنگی تەقێ ھات و داعشا لبەر مە بەرزە کر و کە نەزانی کا باب و برایێن مە پێکڤە کوشتن دەمێ مە پسیار ژ داعش کری کانی زەلامێن گۆندی ب مە کرە کەنی و دەست ب ئێھانەکرنا ژنان و کچان کرن.
دەلالێ ئەو چەندە ژی دیار کر کو بۆ ماوێ 13 رۆژان داعشا ل سەر خەلکی فەرز کر کو ھەموو ببنە موسلمان، لێ خەلکێ کوچو پێکڤە بریار دان موسلمان نەبن و بریارێن تیرۆرستێن داعش بجە نەئێنان و گۆت: پشتی 13 رۆژان داعش ئەم ڤەگوھاستینە سولاخی ب شەڤی دەست ب برنا کچان کرن بتنی ژنێن شووکری ھێلان و ھەموو کچ ل گەل خوە برن.
ڤێ کچێ گۆتژی: گەنجێن 10 ھەتا 14 سالیێ تیرۆرستێن داعش ل گەل خوە برن بۆ تەلەعفەر ل ئێڤاریەکا درەنگ ھەموو ژنێن شوو کری ڤەگوھاستنە تەلەعفەر و ژنێن دانعەمر ژی جۆدا کرن و داعشا دگۆت دێ ژنێن دانعەمر بەینە جھەکێ سار رۆژێن زۆر نەخۆش مە بۆراندن، داعش زەلامێن گۆندی کوشتن و ئەم نەشیاین بچینە سەر زەلامێن خوە.
ھەروەسا دەلالێ دا زانین و گۆت: شەڤەکێ ئەم 18 کەس ژ مالا مە پێکڤە رەڤین و مە گەلەک ھەولدان کرن خوە بگەھینینە سەنگەرێن پێشمەرگەی ل چیایێ شنگال لێ رێگری ل مە کر و جارەکا دی تیرۆرستێن داعش ئەم ب رێڤە دەستەسەر کرین و بۆ ماوێ 15 رۆژان زێندان کرین ل تەلەعفەر پاشی ئەم ڤەگوھاستینە مووسل و زێندان کرین بۆ ماوەیەکێ درێژ و ل دووماھیێ داعش ھاتن و گۆت دێ ھەوە ب توندی سزا دەین چونکی ھوون یێن رەڤین پشتی بھنەکێ خووشکا من و کچا خوشکا من و ژن برا من ل گەل خوە برن و داعشێ گۆت ئەڤە سزایی ھەوەیە، ئەز و خوشکەکا من دی و دو کەسێن دی ڤەگوھاستینە کسر و مەحراب بۆ ماوی دو ھەیڤان ئەم کرینە د خانیەکێ ڤە.
دەلالێ ئاماژە بڤێ چەندێ ژی کر و گۆت: بۆ ماوێ 10 ھەیڤا ئەز و خەشکەکا خوە ل تەلەعفەر ماین و ھەموو ریێن توند و تیژیی تیرۆرستێن داعش بەرامبەر رەڤاندیان بکار ئێنان.