كچه‌كا رۆژنامه‌ڤان هاته ره‌ڤاندن
ئه‌ڤرۆ نيوز:
رۆژنامه‌ڤان و چالاكڤانێن عيراقى راگه‌هاند كو ئه‌ڤرۆ رۆژا سێشه‌مبى رۆژنامه‌ڤانه‌كا عيراقى ب ناڤێ “ئه‌فراح شه‌وقى” ل مالا وێ ل به‌غدا ژ لايێ ژماره‌كا چه‌كدارێن نه‌نياس ڤه هاته ره‌ڤاندن، به‌لێ هێشتا د وێ ده‌ربارێ دا چو نووچێن زێده‌تر نه‌هاتينه به‌لاڤكرن.
ب گۆره‌ى پێزانينان پشتى ئه‌وێ رۆژنامه‌ڤانێ گۆتاره‌ك ل سه‌ر پێگه‌هه‌كێ ئه‌نترنێتێ به‌لاڤكرى و ره‌خنه ل دياردا چه‌كهه‌لگرتنا ميليشياتێن چه‌كدارى و روودانا هێرشكرنا سه‌ر رێڤه‌به‌ريا قوتابخانه‌كا ناسريه ژ لايێ ئه‌فسه‌ره‌كى ڤى به‌لاڤكرى، چه‌ند ده‌مژمێران پشتى وى بابه‌تى هاته ده‌سته‌سه‌ركرن.
ئه‌وێ رۆژنامه‌ڤانا عيراقى وه‌كو په‌يامنێر و نڤيسه‌ر ل چه‌ندين كه‌نالێن عيراقى و عه‌ره‌بى وه‌كو “الشرق الاوسط” و چه‌ندين كه‌نال و ده‌زگه‌هێن ناڤخۆى يێن عيراقى كار كريه.