كچه‌كێ خوه سۆت و گيانێ خوه ژ ده‌ست دا
ئەڤرۆ نیوز:
پۆلیسێن راپەرین راگەھاند کو رۆژا پێنجشەمبی کو دبیتە رۆژا سیێ ژ جەژنا قوربان کچەکا 16 سالی خوە سۆت و ژ ئەگەرێ گرانیا برینا وێ گیانێ خوە ژ دەست دا.
ب گۆرەیی راگەھاندنەکا پۆلیسێن راپەرین، رۆژا پێنجشەمبی کچەکێ ب ناڤێ (پ. ح. ئ) ژ دایکبوونا 2002یە و قوتابی یە و خوەجھا قەلادزێ یە تاخێ (ئیمام قاسم) ل مالا خوە گاز ب خوە دا کریە و ئاگر بەردایە خوە.
ئاماژە ب وێ چەندێ ژی کریە کو پشتی گەھاندیە نەخۆشخانا گشتی یا قەلادزێ و ب گۆرەیی راپۆرتا نەخۆشخانێ رێژا سۆتنا وێ 70%ێ بوویە، ژ بەر گرانیا برینا وێ ھاتیە ڤەگوھاستن بۆ سلێمانیێ.
بەیانناما پۆلیسێن راپەرین ئاماژێ ب وێ چەندێ دکەت کو وێ کچێ دایە دیارکرن کو وێ ژ ئەگەرێ کێشەکا جڤاکی خوە سۆتیە و پشتی ڤەکۆلینێ کەسەک ل سەر تاوانێ ل دووڤ ماددێ 408 ھاتیە دەستەسەرکرن.
پۆلیسێن راپەرین بەحس ل وێ چەندێ ژی دکەن کو دەمژمێر 12:30 دەقیقە ژ ئەگەرێ گرانیا برینا خوە گیانێ خوە ژ دەست دایە و بەرپەرێن ڤەکۆلینێ بۆ روودانێ ھاتینە ڤەکرن و ڤەکۆلین یا بەردەوامە.
