كچێن سنحاریب سه‌ركه‌فتنا سیێ ل دووڤ ئێك تۆمار كر
ئه‌ڤرۆ نیوز، زنار زوبێر:
تیما ڤۆلى بۆلا سه‌نحاریب یا كچان شیا سه‌ركه‌فتنا خوه یا سیێ ل دووڤ ئێك تومار بكه‌ت ڤێ جارێ ژى ل سه‌ر تیما ڤۆلى بۆلا قه‌ره‌قوش ب ئه‌نجامێ سێ گێمان بێ به‌رامبه‌ر د وێ یاریێ دا ئه‌وا ئه‌ڤرۆ ئێڤارى ل هولا پێشمه‌رگه ل سلێمانیێ هاتیه كرن ژ چارچوڤێ خولا عیراقێ یا ڤۆلى بۆلا كچان.
ل دۆر ڤێ سه‌ركه‌فتنێ ستانس حكمه‌ت راهێنه‌رێ ڤۆلى بۆلا سه‌نحاریب تایبه‌ت بۆ ئه‌ڤرۆ نیوز گۆت: تیما مه شیا د یاریه‌كا گه‌له‌گ ب هێز دا سه‌ركه‌فتنه‌كا بزه‌حمه‌ت ل سه‌ۆ تیما كچێن قه‌ره‌قوش تومار بكه‌ت ب ئه‌نجامێ سێ گێمان به‌رامبه‌ر گێمه‌كى كو دبیته یاریا سیێ ل دووڤ ئێك سه‌ركه‌فتنێ تومار دكه‌ین ل گه‌ل خوساره‌تیه‌كێ.
ناڤبرى زێده‌تر ئه‌و چه‌نده ژى دیاركر ئه‌و دێ ل هیڤیا چاره‌نڤیسێ یاریێن دى ناڤبه‌را برایه‌تى و ئه‌مانه به‌غداد و قه‌ره‌قه‌ش بن ئه‌وا بریاره ل دو رۆژێن دى یاریێن وێ ب دووماهى بهێن و هه‌لویستێ قاره‌مانێ خولا ڤى وه‌رزى دیاربیت و ده‌لیڤه‌یا ناسناڤێ خولێ بۆ تیما سه‌نحاریب یێ كێمه و دبیت هه‌تا راده‌یه‌كێ مه‌زن رێزا دویێ ده‌ستخوه ڤه بینن.
