كۆمبوونه‌كا دى يا لايه‌نێن سياسى يێن كوردستانى ئه‌ڤرۆ دێ هێته كرن
ئه‌ڤرۆ نيوز:
بڕياره ئه‌ڤرۆ جاره‌كا دى لايه‌نێ سياسى ل هه‌ولێر كۆم ببن و سه‌رۆكێ ليستا (هه‌ڤپه‌يمانيا كوردستانى) و لۆگۆيێ ليستێ بۆ هه‌لبژارتنێن جڤاتا پارێزگه‌هێن عيراقێ ديار كه‌ن.
ژێده‌ره‌كێ ئاگه‌هدار راگه‌هاند كو بڕياره ئه‌ڤرۆ ده‌مژمێر 02:00 پشتى نيڤرۆ لايه‌نێن سياسى ل مه‌كته‌با سياسى يا ئێكه‌تى نشتيمانى كوردستان ل هه‌ولێر كۆم ببن و كۆمبوون ژى يا تايبه‌ته ب دياركرنا سه‌رۆكێ ليستا هه‌ڤپه‌يمانيا كوردستانى و لۆگۆيێ ليستا هه‌ڤپشك يا لايه‌نان بۆ هه‌لبژارتنا جڤاتا پارێزگه‌هان ل كه‌ركووك و ده‌ڤه‌رێن كوردستانى بيت.
دوهى 28ى ئيلۆنا 2019ێ لايه‌نێن كوردستانى ده‌رباره‌ى ليسته‌كا هه‌ڤپشك بۆ هه‌لبژارتنا جڤاتێن پارێزگه‌هان رێكه‌فتينه كو ده‌ڤه‌رێن كوردستانى يێ، سنورێ پارێزگه‌هێن (كه‌ركووك، نه‌ينه‌وا، ديالا، سه‌لاحه‌دين) ب ئێك ليست پشكدارى هه‌لبژارتنان بن.
