كۆمبوونه‌ك ل دۆر ره‌وشا شنگال و ده‌ڤه‌رێن رۆژئاڤا دیجله‌ی هاته ئه‌نجام دا
ئه‌ڤرۆ:
ئه‌ڤرۆ رۆژا پێنچشه‌مبی رێكه‌فتی ١٢ی گۆلانا ٢٠٢٢ێ به‌رێز “د. عه‌لی ته‌ته‌ر، پارێزگارێ دهۆكێ پێشوازی ل شانده‌كێ دام و ده‌زگه‌هێن شنگالێ و ده‌ڤه‌رێن رۆژئاڤا دیجله‌ی ب به‌رهه‌ڤبوونا ئاشتی كوچه‌ر، به‌رپرسێ لقێ 17 یێ پارتی ل شنگالێ كر، كو ژ ده‌ڤه‌ردارێن شنگال، به‌عاج، ته‌له‌عفه‌ر و رێڤه‌به‌رێن ناوچه‌داریێن ب سه‌رڤه پێكهاتبوو.
د كۆمبوونه‌كێ دا ل دۆر ره‌وشا ده‌ڤه‌رێن ناڤبری و ئاشتی و پێكڤه‌ژیانا ده‌ڤه‌رێ و پرۆژێن خزمه‌تگوزاری و ره‌وشا ئاواره و په‌نابه‌ران دانوستاندن هاته كرن، پارێزگارێ دهۆكێ دۆپاتی ل هه‌ماهه‌نگی و هه‌ڤكاریا هه‌ردو ئالیان بۆ پتر خزمه‌تكرنا خه‌لكێ وان ده‌ڤه‌ران كر و خورتكرنا ڤێ هه‌ماهه‌نگیێ ب پێنگاڤه‌كا گرنگ و پێدڤی د ناڤبه‌را داموده‌زگه‌هێن حكومه‌تا هه‌رێما كوردستانێ و حكومه‌تا فیدرال دا وه‌سفكر.
