كۆمسيۆنا كوردستانێ: بزاڤێ دكه‌ين به‌رى ره‌مه‌زانێ پاداشتێ كارمه‌ندێن سه‌رسندوقان بده‌ين
ئه‌ڤرۆ نيوز، نيوار محه‌مه‌د سه‌ليم:
كۆمسيۆنا هه‌لبژارتن و راپرسيێ ل هه‌رێما كوردستانێ راگه‌هاند كو وه‌زاره‌تا دارايى و ئابوورى ره‌زامه‌ندى ل سه‌ر مه‌زاختنا پاداشتێ كارمه‌ندێن سه‌ر سندوقێن ده‌نگدانێ ده‌ربڕيه و بزاڤێ دكه‌ن به‌رى ره‌مه‌زانێ ئه‌و پاداشت بهێنه به‌لاڤكرن.
شێروان زرار، ئاخفتنكه‌رێ ب ناڤێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ بۆ ئه‌ڤرۆ نيوز گۆت: “ئه‌و كێشێن پێشتر هه‌بوون هاتنه چاره كرن و وه‌زيرێ دارايى و ئابوورى ل حوكمه‌تا هه‌رێما كوردستانێ ره‌زامه‌نديا مه‌زاختنا پاداشتێ كارمه‌ندان ده‌ربڕى”.
زێده‌تر گۆت: “مه داخواز ژ كۆمسيۆنێن هه‌رسێ پارێزگه‌هێن هه‌ولێر، دهۆك و سلێمانى كربوو كو ژمارێن به‌نكى بۆ خوه ڤه‌كه‌ن و وان ژى ڤه‌كرينه و پێزانين ل ده‌ف مه‌نه و گه‌هشتينه به‌نكان”.
ئاخفتنكه‌رێ ب ناڤێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ دا زانين ژى كو ل سه‌رانسه‌رى پارێزگه‌ها دهۆكێ 11 به‌نك هاتينه راسپاردن بۆ به‌لاڤكرنا ڤان پاداشات و گۆت: “بزاڤێ دكه‌ين ل به‌رى هاتنا هه‌يڤا ره‌مه‌زانێ ڤان پاداشتان به‌لاڤ بكه‌ن، به‌لێ دێ چاڤه‌رێ به‌نكان كه‌ين هه‌تا ڤى پاره‌ى به‌رهه‌ڤ دكه‌ن”.
د هه‌رلبژارتنێن 30ى ئيلۆنا 2018ێ دا ل پارێزگه‌ها دهۆكێ هه‌شت هزار و 887 كه‌سان ل سه‌ر سندوقێن ده‌نگدانێ و ل بنگه‌هان كار كربوو و كۆژمێ ملياره‌ك و 432 مليۆن و 400 هزار دينار بۆ هاتيه دابينكرن و دێ ب رێيا به‌نكان هێته به‌لاڤكرن.
