كۆمسيۆنا هه‌لبژارتنان دێ هێنه ژناڤبرن
ئه‌ڤرۆ نيوز:
لژنه‌كا بسپۆر ل جڤاتا نوونه‌رێن عيراقێ بڕيارا ژناڤبرنا كۆمسيۆنا بلندا سه‌ربه‌خۆيا هه‌لبژارتنان ل عيراقێ دده‌ت.
ب گۆره‌يى پێزانينان، ئارام شێخ محه‌مه‌د، جێگرێ سه‌رۆكێ جڤاتا نوونه‌رێن عيراقێ وه‌كو سه‌رۆك وێ لژنا هاتيه دياركرن و دێ كار ژ بوو دياركرنا كۆمسيارێن نوو ل كۆمسيۆنێ و پێكئنيانا كۆمسيۆنه‌كا دى ده‌ن.
ئه‌وێ لژنا ئارام شێخ محه‌مه‌د سه‌رۆكاتيێ دكه‌ت ره‌زامه‌ندى ل سه‌ر مه‌رج و رێكارێن پێدڤى ده‌ست نيشانكرينه بۆ ده‌ستنيشانكرنا كۆمسياران نيشان دايه و فورمه‌ك بۆ ئه‌ندامێن نوو يێن كۆمسيۆنێ ئاماده كريه.
لژنه ل رۆژێن داهاتى دێ فورمێن خوه‌كانديدكرنێ بۆ بوون ب ئه‌ندامێن جڤاتا كۆمسيارا كۆمسيۆنا بلندا سه‌ربه‌خۆيا هه‌لبژارتنان پێشكێش كه‌ت و ژڤانێ خوه‌كانديدكرن و هه‌لبژارتنا ئه‌ندامێن نوو يێن كۆسيۆنێ دياركه‌ت.
دروستكرنا ڤێ لژنێ پشتى خوه‌نيشاندانێن لايه‌نگرێن موقته‌دا سه‌در رێبه‌رێ ته‌ڤگه‌را سه‌در دهێت كو داخوازا ژناڤبرنا كۆمسيۆنێ دكر كو وه‌سان هزر دكه‌ن يا كه‌فتيه بن ئه‌زموونا نورى مالكى.
