كۆمسيۆن: ب تنێ دو رۆژ ل هه‌مبه‌ر لايه‌نێن سياسى ماينه
ئه‌ڤرۆ نيوز، فاتما مزوورى:
كۆمسیۆنا بلندا سه‌ربخوه یا هه‌لبژارتنێن هه‌رێما كوردستانی راگه‌هاند د دو رۆژێن دى ل هه‌مبه‌ر ئالیێن سیاسی ماينه ژبۆ پێكئانینا هه‌ڤپه‌یمانیێ ژبۆ بشكداریكرن د هه‌لبژاتنێن په‌رله‌مانێ كوردستانی دا.
شۆرش حه‌سه‌ن رێڤه‌به‌رێ راگه‌هاندن و تێكلیێن جه‌ماوه‌رى ل كۆمسيۆنا بلندا هه‌لبژارتن و راپرسیێ ل هه‌رێمێ راگه‌هاند: هه‌تا نها ئێك هه‌ڤپه‌يمانى ژبۆ پشكداريكرنێ د هه‌لبژارتنێن په‌رله‌مانێ هه‌رێما كوردستانی دا هاتیه پێك ئانین.
هه‌روه‌ها ئاماژه ب وێ یه‌كێ كریه كو ته‌نێ دو رۆژێن دى ده‌م ل هه‌مبه‌ر وان ئالیێن سیاسی ماینه كو ل كۆمسیۆنا هه‌لبژارتنێن هه‌رێما كوردستانی ده‌ستوور دایێ هه‌تا بكارن هه‌ڤپه‌یمانیێ پێك بینن ب مه‌به‌ستا به‌شداریكرنا وان د هه‌لبژارتنێن په‌رله‌مانێ كوردستانێ دا.
ل دۆر دامه‌زراندنا كارمه‌ندان ژبۆ سه‌ر سندوقێن ده‌نگدانێ شۆره‌ش حه‌سه‌ن گۆت: “ئه‌و كه‌سێن دهێنه دامه‌زراندن ژبۆ سه‌ر سندوقێن ده‌نگدانێ ژبۆ ماوێ دو رۆژان دێ راهێنان پێ هێنه كرن دا كو ب كارن ب باشترین شێوه كارێ خوه ئه‌نجام بده‌ن و ئالیكاریه‌كا باش پێشكێشی وه‌لاتیان بكه‌ن.
