كۆمسيۆن ل ڤان جهان بانگه‌شا هه‌لبژارتنان قه‌ده‌غه دكه‌ت
ئه‌ڤرۆنيوز:
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ وان جهان ديار دكه‌ت كو بانگه‌شا لايه‌نان يا هه‌لبژارتنێ تێدا قه‌ده‌غه‌يه.
كۆمسيۆنێ د رۆهنكرنه‌كێ دا كو ئه‌ڤرۆ پێنجشه‌مبى 6/9/2018 به‌لاڤكرى ئاماژێ ب وێ چه‌ندێ دكه‌ت كو ل رۆژێن بانگه‌شا هه‌لبژارتنێن په‌رله‌مانێ كوردستانێ، جهێن گشتى وناڤه‌ندێن ده‌نگدانێ وتابلۆيێن هاتنوچوونێ وكه‌لوپه‌لێن حوكمه‌تێ وجادێن ب قه‌ره‌بالغ بانگه‌شه تێدا يا قه‌ده‌غه‌يه.
دياركر ژى كو بانگه‌شا هه‌لبژارتنان ل ڤان جهان قه‌ده‌غه‌يه:
- جهێن گشتى وه‌كو پارك وباخچه وئاڤاهيێن حكومى.
2- ناڤه‌ندێن ده‌نگدانێ.
- جهێن په‌رستنێ وعيباده‌تێ وه‌كو مزگه‌فت وكه‌نيسه وجهێن ئايينى.
4- کەلوپەلێن حوكمەتێ و ترومبێل و کەرەستێن حکومی.
5- تابلۆيێن هاتنوچوونێ.
6- ژروويێ ژينگه‌هێ ڤه، قه‌ده‌غه‌يه مادێن لكێنه‌ر بهێنه بكارئينان بۆ هه‌لاويستنا پۆسته‌ر وئالايێن ليست وبه‌ربژاران، هه‌روه‌سا نڤيسين ل سه‌ر ديواران.
7- جادێن ب قه‌ره‌بالغ وجادێن گشتى.
برياره هه‌لبژارتنێن په‌رله‌مانێ كوردستانێ ل 30/9/2018 بهێنه ئه‌نجامدان وبانگه‌شا هه‌لبژارتنان ل 11/9/2018 ده‌ستپێ بكه‌ت.
