كۆمسیونێ ده‌مێ پێشكێشكرنێ بۆ داخوازكرنا فه‌رمانبه‌رێن گرێبه‌ست راگەهاند
ئەڤرۆ نیوز ، زنار تۆڤی:
ئەڤرۆ ئێکشەمبی كۆمسیونا بلندا سه‌ربه‌خویا هه‌لبژاردن و راپرسیێ ل هه‌رێما كوردستانێ راگەهاند، کو پێشكێشكرنا داخوازكرنا فه‌رمانبه‌ران ل ده‌مژمێر(10) ی سپێدێ یا رۆژا چارشه‌مبی 8 تەباخی دێ ده‌ست پێكه‌ت و ئەڤ پرۆسه دێ هه‌تا 17 ڤێ هه‌یڤێ یا به‌رده‌وام بیت.
ئەڤ پرۆسه دێ برێیا لینكه‌كێ تایبه‌ت بیت كودێ ل مالپه‌رێ فه‌رمی یێ كۆمسیونێ (www.khec.krd ) هێته دانان و هه‌ر پارێزگه‌هه‌كێ ژی دێ لینكه‌كێ تایبه‌ت بخوڤه هه‌بیت، پشتی وێ چه‌ندێ دێ ب شێوازێ تیروپشكا ئه‌لكترونی ناڤ هێنه ئێكلاكرن و ئه‌و كه‌سێن بڤێن داخوازا فه‌رمانبه‌ریا گرێبه‌ست پێشكێش بكه‌ت پێدڤیه ( ژمارا ده‌نگده‌ری، ژمارا بنگه‌هێ ده‌نگدانێ، ناڤێ بنگه‌هێ ده‌نگدانێ ) یێ خوە بزانیت كو مه‌رجه بۆ پركرنا فورما داخوازکرنێ.
