كۆمسیۆنا هەرێمێ: حوکمه‌تێ پاره بۆ هه‌لبژارتنێن هه‌رێما کوردستانێ تەرخان كرینە
ئەڤرۆ نیوز ، زنار تۆڤی :
كۆمسیۆنا هه‌لبژارتن و راپرسیێن هه‌رێما كوردستانێ دیارکر:کو جڤاتا وه‌زیران قۆناغا ئێكێ یا پاره‌یێ پێدڤی بۆ هه‌لبژارتنێن هه‌رێمێ تەرخان كریە.
شێروان زرار په‌یڤدارێ كۆمسیۆنا هه‌لبژارتنێن هه‌رێمێ بۆ ده‌نگێ ئه‌مریكا گۆتیە:کو حوکمه‌تا هەرێما کوردستانێ 10 ملیار دینار وه‌ك قۆناغا ئێكێ بۆ وان ته‌رخان كرینه و جڤاتا كۆمسیۆنێ ژی، پلانا خوه دانایه و ده‌مێ بانگه‌شه‌یا هه‌لبژارتنان و پاقژكرنا تۆمارا ده‌نگده‌ران و چه‌ند بابه‌تێن دی ئێكلاكرینه.
ئه‌ڤه د ده‌مه‌كی دایه كو ل 9 گولانێ نێچیرڤان بارزانی سه‌رۆكێ حوکمه‌تا هه‌رێما كوردستانێ ب مه‌رسومه‌كێ سه‌رۆكاتیێ كو ژ ده‌ستهه‌لاتا وی یه، رۆژا 30 ئیلۆنێ وه‌ك رۆژا هه‌لبژارتنێن هه‌رێمێ دیاركریە و راگه‌هاندیە،کو ب چو ره‌نگان ئه‌و رێككه‌فته ناهێته گۆهورین.