كۆمه‌ڵی قوربانیانی كیمیابارانی هه‌ڵه‌بجه: داوای سزادانی سه‌ركه‌وت شه‌مسه‌دین ده‌كات
ئه‌ڤرۆ نیۆز، عه‌زیز هه‌ورامی:
كۆمه‌ڵه‌ی قوربانیانی كیمیابارانی هه‌ڵه‌بجه،كه‌سوكاری شه‌هیدان نیگه‌رانن به لێدوانه‌كانی سه‌ركه‌وت شه‌مسه‌دین و هاوئاوازه‌كانی، ئه‌وانه خیانه‌ت له ده‌نگ و خوێنی شه‌هیدان ده‌كه‌ن، پێویسته دادگا بێته‌سه‌رخه‌ت و سزابدرێت چونكه ئه‌وانه ئیمتیازیان وه‌رگرتووه له دووژمن بۆ دژایه‌تی میله‌تی كورد.
لوقمان عه‌بدولقادر سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه، به ئه‌ڤرۆ نیۆزی ڕاگه‌یاند، ئێمه وه‌ك كه‌سوكاری شه‌هیدانی كیمیابارانی هه‌ڵه‌بجه ،ئه‌و گوتانه‌ی سه‌ركه‌وت شه‌مسه‌دین و كۆمه‌ڵێك به‌رپرسی تری نابه‌رپرس له كوردستان و عێراق ،نیگه‌رانی كردووین هه‌میشه له پیلاندان بۆ زه‌فه‌ربردن به كیانی هه‌رێمه‌كه‌مان به‌خوێنی هه‌زاران ڕۆڵه‌ی ئه‌م گه‌له به‌رهه‌م هاتووه.
هه‌روه‌ها گوتی، ئه‌گه‌ر سه‌ركه‌وت شه‌مسه‌دین و هاوئاوازه‌كانی ئه‌گه‌ر كێشه‌یه‌كیان له‌گه‌ڵ لایه‌نی سیاسی نابێت به لێدوانه‌كانیان ئێمه‌ی كه‌سوكاری شه‌هیدان و قوربانیان نیگه‌ران بكه‌ن، ئێسته وایان كردووه ئێمه بڕۆینه به‌ره‌یه‌كه‌وه ئه‌وانیش وه‌ك به‌ره‌یه‌كی دژ ببینین، داواش ده‌كه‌ین یاسا ڕۆڵی خۆی بگێڕێت ئه‌و كه‌سانه ڕو به‌ڕووی یاسا بكرێنه‌وه خیانه‌تیان له خوێنی شه‌هیدان و ده‌نگی كورد كردووه، ئه‌وه ئێمه خاوه‌نی ده‌ستوورنین كه‌سانێك به‌ناوی كورده‌وه ئاوا له به‌غداوه هه‌رڕۆژه‌و له‌گه‌ڵ كه‌سانێك هه‌وڵده‌ده‌ن بۆ زیان گه‌یاندن به‌كیانی كوردستان.
هه‌ر لێدوان و هه‌نگاوێك دژ به هه‌رێمی كوردستان خیانه‌ته له خوێنی شه‌هیدان ئه‌م هه‌رێمه‌ی دروست بووه به‌رهه‌می شه‌هیدانی ئه‌نفال و كیمیاباران و شه‌هیدانی سه‌نگه‌ره، لوقمان عه‌بدولقادر وای گوت.
