كۆمپانيا DNO يا نه‌رويجى زه‌ڤيه‌كا په‌ترۆل و غازێ ل باشيك ڤه‌ديت
ئه‌ڤرۆ نيوز:
رۆژا 15ى چريا دويێ كۆمپانيا (DNO)یا نەرویجی حوكمەتا هەرێما كوردستانێ ئاگادار كريە كو ل باشيك رێژه‌كا زۆر يا په‌ترۆل و غازێ هاتيه ڤه‌ديتن. هه‌رچه‌نده خه‌ملاندنا زه‌ڤيێ د قووناغێن ده‌ستپێكێ دايه، به‌لێ په‌ترۆلا وێ زه‌ڤيێ كو ل ده‌ڤه‌رێن ده‌رڤه‌ى ئيدارا هه‌رێمێ هاتيه هه‌لكه‌ندن، دشيان دايه ل گه‌ل په‌ترۆلا هه‌رێما كوردستانێ ره‌وانه‌ى ژ ده‌رڤه بهێته كرن.
كۆمپانيا نه‌رويجى ل سالا 2017ێ نيڤا پشكێن ئێكسۆن مۆبيل يا ئه‌مريكى ل وێ ده‌ڤه‌رێ هه‌لگرتينه. ل وى ده‌مى كۆمپانيێ 64% يا پشكان ل وێ زه‌ڤيێ هه‌بوون. نها كۆمپانيا نه‌رويجى 32% يێن هه‌ين و ئێكسۆن مۆبيل ژى 32% يێن هه‌ين و كۆمپانيا وزه‌يا توركيا ژى 16% پشك يێ ل وێرێ هه‌ين و ئه‌ڤێن دمينن ژى كو 20% پشكا هه‌رێما كوردستانێ يه د وان زه‌ڤيان دا.
ژێده‌ر: رووداو
