كۆمپانیه‌كا پترۆلێ پێشبینیا بهایێ پترۆلێ ب 55 دۆلاران دكه‌ت
ئه‌ڤرۆ نیوز:
كۆمپانیا بی پی یا بریتانی تایبه‌ت ب پترۆلێ د نووترین راپۆرت دا پێشبینیێن خو بۆ بهایێ پترۆلێ راگه‌هاند كۆ ئه‌و دوێ هزرێ دانه ل سالا 2021 تاكو 2050 بهایێ پترۆلێ ل دورێن 55 دۆلاران دا بمینیت، بهایێ غازا سرۆشتی بۆ هه‌ر پیڤانه‌كا غازێ 2.90 سه‌نتان دا دمینیت.
لگۆری راپۆرتا كۆمپانیا بی پی كۆ ئه‌و بهایێ پێشبینی كری بۆ پترۆلێ دناڤبه‌را سالێن 2021 بۆ2050 ب رێژه‌یا 27% كێمتره ژ پێشبینێن به‌ری نوكه یێن كۆمپانیێ.
كۆمپانیا ناڤبری ئه‌و چه‌نده ژی دیاركر ب ئه‌گه‌رێ به‌لاڤبوونا ڤایرۆسێ كورونایێ نێزیكی 10 هزار كارمه‌ند هاتینه كێمكرن ژ كاری نوكه زێده‌تری 70 هزار كارمه‌ندان دبیت بێ كارن.
