كۆمپانیه‌كا چینی دێ كارگه‌هه‌كێ ل زاخۆ ڤه‌كه‌ت
زاخۆ، دلۆڤان هالۆ:
گۆهدار شێخۆ، سه‌رپه‌رشتێ ئیدارا سه‌ربخوه یا زاخۆ دوهی پێشوازی ل شانده‌كێ كۆمپانیا چینگشان یا چینی كر، كو ب مه‌ره‌ما دروستكرنا كارگه‌هه‌كێ هاتینه ئیدارا سه‌ربخوه یا زاخۆ.
شڤان عه‌بدی، به‌رپڕسێ ڕاگه‌هاندنا ئیدارا سه‌ربخوه یا زاخۆ بۆ ڕۆژناما ئه‌ڤرۆ دیار كر، گۆهدار شێخۆ و شاندێ كۆمپانیا چینگشان یا چینی د ڕوونشتن و هه‌ڤدیتنا خوه دا به‌حس ل وێ پێشكه‌ڤتنا ل هه‌رێما كوردستانێ ب گشتی د ڤان سالێن دووماهیێ دا كر، كو وه‌راره‌كا به‌رچاڤ و مه‌زن ب خوه‌ڤه دیتییه و ب تایبه‌ت گرنگیدانا كابینا نه‌هێ ب سه‌رۆكاتیا مه‌سرور بارزانی ژ هه‌موو ڕوویه‌كیڤه.
به‌رپڕسێ ڕاگه‌هاندنا ئیدارا سه‌ربخوه یا زاخۆ، ئاماژه ب وێ چه‌ندێ ژی كر، كۆمپانیا چینی خوه‌شحالیا خوه ده‌ربڕی، كو دێ كارگه‌هه‌كێ ل سنوورێ ئیدارا سه‌ربخوه یا زاخۆ ڤه‌كه‌ت.
