كۆنفرانسه‌ك ژ بۆ پێشڤه‌برنا دێره‌لۆكێ هاته ئه‌نجامدان
ئامێدیێ، مه‌حمود نهێلی:
سه‌نته‌رێ پێشه‌نگ یێ ره‌وشه‌نبیری ژ بۆ دیتنا میكانیزمه‌كێ ل سه‌ر چاوانیا پێشخستا ناوچه‌داریا دێره‌لۆكێ كۆنفرانسه‌ك ئه‌نجام دا.
سنور عه‌دنان، به‌رپرسێ سه‌نته‌رێ پێشه‌نگ بۆ رۆژناما ئه‌ڤرۆ دیار كر، ئه‌ڤ كۆنفرانسه ب هه‌ماهه‌نگی ل گه‌ل رێڤه‌به‌ریا ناوچه‌داریا دێره‌لۆكێ و لژنا ناوچا دێره‌لۆكێ یا پارتی و سازیێن حكومی هاته ئه‌نجامدان و گۆت: “مه‌به‌ست ژ ڤی كۆنفرانسی چاوانیا پێشڤه‌برنا دێره‌لۆكێ بوویه، د كۆنفرانسی دا گرنگی ب چار بیاڤان هاته‌دان، ئه‌و ژی: گه‌شت و گوزار، چاندن، پێكڤه‌ژیان و زانست بوون”.
خویا ژی كر، ئه‌و بیاڤێن هاتینه باسكرن، دێ بنه هێڤێنێ ڤه‌كۆلینه‌كا زانستی، كو 50 كه‌س تێدا پشكدارن ل گه‌ل هه‌موو فه‌رمانگه‌هێن میری یێن ده‌ڤه‌رێ و گۆت: “پشتی ڤه‌كۆلین دهێنه كرن، بۆ لایه‌نێن په‌یوه‌ندیدار دێ هێته بلندكرن، بۆ وێ یه‌كێ كار ل سه‌ر بهێته كرن”.
