كۆنگرێسێ ئه‌مريكا پارتى و ئێكه‌تى ژ ليستا تيرۆرێ ده‌رخستن
ئه‌ڤرۆ نيوز:
ب گۆره‌يى پرۆژێ قانوونه‌كێ، ئه‌مريكا ناڤێ پارتى و ئێكه‌تيێ ژ ليستا تيرۆرێ خسته ژ ده‌رڤه و دێ چاڤه‌رێ سه‌رۆكاتيا ئه‌مريكا كه‌ن بۆ ئيمزاكرنا قانوونێ.
برێت مه‌كگۆرك، هاريكاريا وه‌زرێ ژ ده‌رڤه يێ ئه‌مريكا د تويته‌كێ تۆڕا جڤاكيا تويته‌رى دا راگه‌هاند كو كۆنگرێسێ ئه‌مريكا ناڤێ پارتى ديموكراتى كوردستان و ئێكه‌تى نشتيمانى كوردستان ئينا ده‌ر.
د داخۆيانيه‌كێ دا بۆ رووداو، فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ ئه‌ڤ نووچه‌يه پشت راستكر و راگه‌هاند: “ئيدارا ئه‌مريكا ئه‌م ئاگه‌هدار كرينه كو كۆنگرێسێ ئه‌مريكى ناڤێ پارتى و ئێكه‌تيێ ژ ليستا تيرۆرێ ده‌رخستينه و بۆ باراك ئۆبامايێ سه‌رۆكێ ئه‌مريكا هنارتيه ب مه‌ره‌ما په‌سه‌ندكرنێ”. گۆتژى: “پێشبينى دكه‌ين ئۆباما ژى ڤى پرۆژێ قانوونێ ئيمزا بكه‌ت”.
به‌رى نوكه سه‌رۆكێ هه‌رێما كوردستانێ ره‌تكربوو كو سه‌ره‌دانا ئه‌مريكا بكه‌ت هندى كو ناڤێ پارتى و ئێكه‌تى د ليستا تيرۆرێ دا بن، ب گۆره‌يى ڤێ بڕيارێ هه‌ر كورده‌كێ سه‌ر ب ڤان هه‌ردو پارتێن سياسى ڤه بايه نه‌دشيا ڤيزا ئه‌مريكا وه‌ربگريت.
پشتى په‌قينێن 11ى سپتێمبه‌را 2001، ئه‌مريكا هه‌موو ئه‌و حزب و گرۆپ و رێكخراوێن جيهانى يێن دژى حوكمه‌تا ئه‌مريكا شه‌رى دكه‌ن خستنه ناڤ پشكا سيێ يا ليستا تيرۆرێ دا.
