كۆنگرێسێ ئه‌مریكی تشته‌كێ نوو لسه‌ر جودا پرچه‌ككرنا هێزێن سه‌ره‌كی ل ئیراقێ دده‌ته دیاركرن
ئه‌ڤرۆ نیوز: ڤه‌ده‌ر ره‌شاڤایی:
پرۆژه‌قانونا كونگرێسێ ئه‌مریكى لسه‌ر هاریكاریێن له‌شكه‌ری بۆ ئیراقێ كو بسه‌ربخوه‌یی هه‌ر ئێك ژ هێزێن پێشمه‌رگه و هێزێن ئه‌ره‌بێن سونی به‌هرا خوه وه‌رگرن به‌غدا زێده توره‌كریه، كونگرێسمانه‌كه‌كێ ئه‌مریكی ژی ئه‌ڤرۆ رۆژا ئێكشه‌مبی سه‌ره‌دانا به‌غدا كر و راگه‌هاند كو چێدبیت كونگرێسێ ئه‌مریكی پێداچوونێ لسه‌ر ڤێ پرۆژه‌قانوونێ بكه‌ت.
كونگرێسمان مایكل مه‌ككاول سه‌رۆكێ لژنا ئێمناهیا نیشتمانی ل كونگرێسێ ئه‌مریكا دگه‌ل حه‌فت ئه‌ندامان سه‌ره‌دانا به‌غدا كر، و خویاكر كو ئه‌وله‌ویاتێن واشنتۆن به‌رگریا به‌غدایه له‌ورا ئه‌ڤ پرۆژه قانوونا كۆنگرێسی چێدبیت ده‌ستهه‌لاتا حه‌یده‌ر عه‌بادی سه‌رۆك وه‌زیرێن ئیراقێ بێخیته د بن گه‌فان و مه‌ترسیێ دا.
مه‌ككاول گۆت ژی: هه‌كه‌ر به‌غدا بكه‌ڤیت هه‌می ئیراق دێ كه‌ڤیت ژبه‌ر ڤی ئه‌گه‌ری دێ بزاڤا كه‌ین دا بزانین چ گۆهورینا باشه د پرۆژه قانونێ دا بهێته كرن.
