كێشا نه‌بوونا ئاڤاهیا بۆ به‌شێن نافخوه‌یى چاره‌سه‌ر بوو
ئه‌ڤرۆ نیۆز، سالار دۆسكى:
به‌رپه‌رسێ لقێ دهۆكێ ئێكه‌تیا یێ قوتابیێن كوردستانێ، بۆ مالپه‌رێ ئه‌ڤرۆ نیوز دیاركر كو كێشا نه‌بوونا پشكێن نافخوه‌یى بۆ قوتابیێن ده‌رڤه‌ى پارێزگه‌ها دهۆكێ پلا 12 دخوینن ل سنورێ هه‌ر دو په‌وه‌ردێن رۆژهه‌لات و رۆژئاڤا نه‌ما و ئاڤاهى بۆ قوتابیان هاتینه‌گرتن.
تارق تاها به‌رپه‌رسێ لقێ دهۆكێ ئێكه‌تیا قوتابیێن كوردستانێ هێشتا ژى گۆت: ئه‌ڤ كاره هاته ئه‌نجامدان وه‌ك ئێكه‌تیا قوتابیێن كوردستانێ ب هه‌فكارى دگه‌ل هه‌ر دو په‌روه‌ردێن رۆژهه‌لات و رۆژ‌واڤا ل سه‌نته‌رێ پارێزگه‌ها دهۆكێ بۆ قوتابیێن ده‌رڤه‌ى پارێزگه‌هێ قه‌ستا سه‌نته‌رێ باژێرى دكه‌ن.
دووماهیێ ژى، به‌رپه‌رسێ لقێ دهۆكێ ئێكه‌تیا قوتابیێن كوردستانێ دیاركر كو پشكێن نافخوه‌یى بۆ قوتابیێن پۆلا 12 هاتینه‌گرتن و ئه‌ڤ قوتابیه یێن ده‌ڤه‌رێن( سحێلا، زاویته/، كورا، باگێرا، حوجاڤا، مانگێش، ئامێدى، كانى ماسێ، ده‌ڤه‌را به‌روارى بالا)
جهێ ئاماژه‌كرنێ یه كو پێشتر به‌رپه‌رسێ لقێ دهۆكێ ئێكه‌تیا قوتابیێن كوردستانێ بۆ رۆژناما ئه‌ڤر دیاركر بوو كو ژبه‌ر هاتنا رێژه‌كا زورا ئاوران ئاڤاهى سه‌نته‌رێ باژێرى نه‌ماینه كو كرێ بكه‌ن بۆ پشكێن نافخوه‌یى بۆ قوتابیان.