كەسك و شین
دلخاز جەمیل
دئێكەم رۆژا بهارا سالێ دا..
هەبون و سروشت تێكەل بوون
كەسك و شین گەلەك بلند بوون
كەسێن ساڤا لسەر كەڤری بوون
دهەمبێزا دلۆڤانیا رەڤینێ دا بوون
دو روحێن تژی ئێش و ئازار بوون
لێ یار و شەڤیارێن ب هێز و جوان بوون
دخۆشیا دیتن و رۆژئاڤا بوونێ دا بوون
لبن سیبەرا چاڤ و هەناسێ بوون
دەم و جه و مرۆڤ پەیدا بوون
عاشق و بەندەیێن نوی ژ دایك بوون
د رۆناهیا چاڤان دا ستێر و دونیا بوون
چركەیێن گەشبینیێ گەرم و زۆر بوون
داڤێن پرچا یارێ سەر چاڤان بەلاڤ بوون
دگەل دەستێن شاهی سەما و دیلان بوون
