لایەنێن شیعە کەسەک بۆ پۆستێ سەرۆک وەزیرێن عیراقێ دیار کرینە
ئەڤرۆ نیوز:
د. ڤیان سەبری سەرۆکا فراکسیۆنا پارتی ل پەرلەمانێ عیراقێ راگەهاند کو لایەنێن شیعە ل عیراقێ ب رێیا لیژنەکا حەفت کەسی کەسەک بۆ پۆستێ سەرۆک وەزیرێن عیراقێ دەستنیشان کرینە و رەنگە ئەڤ شەڤە ناڤێ وی بهێتە ئاشکرا کرن.
ڤیان سەبری ئەو یەک ژی دیار کر کو شیعە هەر کەسەکێ بۆ پۆستێ سەرۆک وەزیران دەستنیشان بکەن دڤێت ئەو کەسە ل گەل کوردان و سوننان دەست ب دانوستاندنان بکەت و بێی کوردان و سوننان چو کەسەک نەشێت وەکو سەرۆک وەزیر ل عیراقێ سەرکەفتی بیت.
