له‌شكرێ ئازادێ سوريا به‌رى سالا نوو ناهێته مه‌شقكرن
ئه‌ڤرۆ نيوز:
هادى بحره سه‌رۆكێ هه‌ڤپه‌يمانيا نشتيمانى يا هێزێن چه‌كدارێن ئۆپۆزسيۆنا سوريا راگه‌هاند كو نوكه ئه‌و شه‌رى دژى دو به‌ره‌يان دكه‌ن يا ئێكێ داعش و يا دويێ ژى دژى هێزێن به‌شار ئه‌سه‌د و دا زانين كو ژ بوو ڤێ چه‌ندێ ژى پێدڤيه پتر پشته‌ڤانيا وان بهێته كرن دا كو بشێن به‌رده‌واميێ بده‌نێ.
بحره د ديداره‌كا كه‌نالێ CNN دا گۆت: “مه داخوازى ژ وه‌لاتێن دوستێن سوريا كريه كو پتر هاريكار بن د مه‌شقكرنا له‌شكرێ سورى يێ ئازاد دا”.
بحره ئه‌وێ نوكه ژ بوو ئه‌نجامدانا كۆمبوونه‌كێ ل له‌نده‌نا پايته‌ختێ بريتانيا ئاماده ئاماژه ب وێ چه‌ندێ كر كو هێشتا پرسا مه‌شقكرنێ ب له‌شكرێ سوريا يێ ئازاد ل ژێر گه‌نگه‌شێ دايه ژ لايێ كۆنگرێسێ ئه‌مريكى و چو به‌حس نينن كو ئه‌و ل به‌رى سالا نوو ده‌ست ب ڤى كارى بكه‌ن.
