له‌شكرێ ئه‌مريكى داخۆيانيه‌كا له‌شكرێ عيراقى ب دره‌و ده‌ردئێخيت
ئه‌ڤرۆ نيۆز:
به‌رپرسێن له‌شكرى يێن ئه‌مريكى وكورد، ئه‌ڤرۆ پێنج شه‌مبى، دووپاتكر كو هه‌ڤپه‌يمانيا نێڤده‌وله‌تى هێزه‌كا تايبه‌ت بۆ بنگه‌هێ ( K1) يێ له‌شكرى ل باژێرێ كه‌ركووكێ هنارتيه.ومه‌ره‌م ژ به‌لاڤكرنا وێ هيزا تايبه‌ت به‌رهه‌ڤيه بۆ قۆناغا داهاتى وبۆ رێگريێ ل په‌يدابوونا ئالۆزيان ل ده‌ڤه‌رێن ناكۆكى ل سه‌ر.
فه‌رمانده‌يا هێزێن هه‌ڤپشك يا عيراقى، ئه‌ڤرۆ پێنج شه‌مبى، ده‌نگوباسێن به‌لاڤكرنا هێزه‌كا ئه‌مريكى ل كه‌ركووكێ ره‌تكربوو ودياركربوو كو (گرتن وپاراستنا ئاخێ) ل كه‌ركووكێ نه كارێ هێزێن بيانى يه.
به‌لێ هنده‌ك ژيده‌ران ژ پارێزگه‌ها كه‌ركووكێ، ل دووڤ شه‌فه‌ق نيۆز، دياركر كو هێزه‌كا ئه‌مريكى كو ژ چه‌ند سه‌دان سه‌ربازان پێكهاتيه ب رێيا هه‌ولێرێ يا گه‌هشتيه كه‌ركووكێ كو 40 هه‌مه‌ر دگه‌لدا بوون ول بنگه‌هێ ( K1) يێ له‌شكرى ل قه‌زا دبس ل رۆژئاڤايێ كه‌ركووكێ يێن جهگير بووين.
