له‌شكرێ توركيا: مه هه‌شت په‌كه‌كه كوشتينه و شه‌ش پێگه‌هێن وان ژناڤبرينه
ئه‌ڤرۆ نيوز، فاتما مزوورى:
له‌شكرێ توركيا راگه‌هاند كو شه‌ش پێگه‌هـ و چه‌په‌رێن په‌كه‌كێ يێن ناڤ ئاخا هه‌رێما كوردستانێ ژ لايێ فرۆكێن شه‌ر ڤه هاتينه بۆمبه‌بارانكرن.
سه‌رۆك ئه‌ركانيا توركيا د داخۆيانيه‌كێ دا راگه‌هاند كو شه‌ڤا ده‌ربازبووى 26ى خزيرانا 2018ێ فرۆكێن شه‌رى يێن توركيا ل ده‌ڤه‌رێن ئاڤا شين و باسيان حه‌فته‌نين يێن هه‌رێما كوردستانێ ئۆپه‌راسيۆنێن ئه‌سمانى ئه‌نجام داينه.
ب گۆره‌ى داخۆيانيا سه‌رۆك ئه‌ركانيا توركيا شه‌ش پێگه‌هـ و چه‌په‌رێن په‌كه‌كێ ب ئارمانج گرتينه و هه‌شت گه‌ريلايێن په‌كه‌كێ هاتينه كوشتن.
د داخۆيانيێ دا ئاماژه ب وێ چه‌ندێ هاتيه كرن كو فرۆكێن بێ فرۆكه‌ڤان ئه‌ڤ پێگه‌هه ده‌ستنيشانكرينه و فرۆكێن F-16 ژى بۆمبه‌بارانكرينه.
ده‌رباره‌ى ڤێ داخۆيانيا سه‌رۆكاتيا ئه‌ركانێ له‌شكرێ توركيا باسكێ له‌شكرى يێ په‌كه‌كێ و هێزێن پاراستنا گه‌ل (هه‌په‌گه) چو داخۆيانى نه‌داينه.
