له‌شكرێ رووسى خوه ژ عه‌فرينێ ڤه‌دكێشيت
ئه‌ڤرۆنيوز:
هيزێن رووسى ئه‌ڤرۆ ئه‌ينيێ 19/1/2018 ده‌ست ب خوه‌ڤه‌كێشانێ ژ ده‌وروبه‌رين باژێرێ عه‌فرينێ ل باكوورێ سووريێ كر به‌رى ده‌ستپێكرنا ئوپه‌راسيۆنا له‌شكرى يا توركى يا چاڤه‌رێكرى دژى به‌يه‌دێ وپه‌كه‌كێ ئه‌وێن كونترۆلێ ل سه‌ر وى باژێرى دكه‌ن.
پشكا عه‌ره‌بى يا ئاژانسا ئه‌نادۆل يا ده‌نگوباسان يا توركى ژزارده‌ڤێ ژێده‌رێن ئاگه‌هدار ژ عه‌فرينێ به‌لاڤكر” ب ده‌هان پۆليسێن له‌شكرى يێن رووسى ژ جهێن خوه ل ده‌وروبه‌رێ گوندێ “كفر جه‌نه” ل باكوورێ عه‌فرينێ بۆ باژێركێن نبل وزه‌هرا ل باكوورێ حه‌له‌بێ ئه‌وێن دبن كونترۆلا له‌شكرێ سوورى دا ڤه‌كێشاينه، به‌لێ هه‌تا نوكه هژماره‌كا پۆليسێن له‌شكرى يێن رووسى ل جهێن خوه ل ده‌وره‌به‌رێن عه‌فرينێ يێن ماين”.
ل دووڤ وێ ئاژانسا توركى” دوهێ پێنجشه‌مبى، وه‌زيرێ به‌رگريێ رووسيا سيرغى شويگو ل گه‌ل سه‌رۆكێ ده‌سته‌يا ئه‌ركانێن گشتى يێن له‌شكرێ توركى خه‌لوسى ئه‌كار وسه‌رۆكێ ده‌زگه‌هێ هه‌والگيريا توركيا هاكان فيدان ل موسكۆ كۆمبوويه”.
