سه‌لاحه‌دين ده‌ميرتاش: مه‌سعود بارزانى سه‌رۆكێ ده‌وله‌تا كوردانه
ئه‌ڤرۆ نيوز:
هه‌ڤسه‌رۆكێ پاتيا ديموكراتا گه‌لان “هه‌دپه” راگه‌هاند: مه‌سعود بارزانى، سه‌رۆكێ ده‌وله‌تا كوردانه و جهه‌كێ سياسى يێ ب هێز يێ ل ده‌ڤه‌رێ هه‌ى.
د كۆنفرانسه‌كێ رۆژنامه‌ڤانى دا، ل باژێرێ ئامه‌د يێ باكوورێ كوردستانێ، سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ دوهى رۆژا چارشه‌مبى رێكه‌فتى 30ى كانوونا ئێكێ 2015 ئاماژه ب وێ چه‌ندێ دا كو مه‌سعود بارزانى سه‌رۆكێ ده‌وله‌تا كوردانه و جهه‌كێ سياسى يێ ب هێز يێ هه‌ى.
ده‌ميرتاش گه‌له‌ك گازنده ژ ده‌وله‌تا توركيا و حوكمه‌تا ئه‌نقه‌ره كرن و گۆت: “ده‌وله‌ت مافێ كوردان بن پێ دكه‌ت و خه‌لكێ سڤيل دكه‌ته قوربانى و پاشان ژى داخوازا پێكڤه ژيانێ دكه‌ت”.
زێده‌تر گۆت: “پارتيا داد و گه‌شه‌پێدانێ، ئاكه‌په، چو پرۆژه‌ك بۆ چاره‌كرنا پرسا كوردى نينه”، ته‌كست ژى كر كو بۆ چاره‌كرنا كێشان هه‌ر تشتێ هه‌بيت ئه‌و دێ كه‌ن.
پێشتر له‌يلا زانا ئه‌نداما په‌رله‌مانێ توركيا و ژنا سه‌ركرده‌يا ديارا كوردان ل باكوورێ كوردستانێ راگه‌هاندبوو: هه‌ر كه‌سه‌كێ ل دژى پێنگاڤێن بۆ سه‌ربه‌خۆبوونێ يێن بارزانى ب راوه‌ستيت دژى و پێشمه‌رگه و شه‌رڤانێن كوردايه.
