لژنا ئێمناهیا پارێزگه‌ها دهۆكێ هه‌ژماره‌كا بڕیاران بۆ هه‌لبژارتنان ده‌رئێخستن
ئه‌ڤرۆ:
ب سه‌رپه‌رشتیا د. عه‌لی ته‌ته‌ر، پارێزگارێ دهۆكێ لژنا ئێمناهیێ بۆ هه‌لبژارتنێن پێشوه‌خت یێن جڤاتا نوونه‌رێن ئیراقێ ل پارێزگه‌ها دهۆكێ و ب هه‌ماهه‌نگی دگه‌ل كۆمسیۆنا بلندا سه‌ربخوه یا هه‌لبژارتنان دوهی 4/10/2021 كۆمبوو.
د كۆمبوونێ لژنا ئێمناهیا پارێزگه‌ها دهۆكێ بۆ هه‌لبژارتنان ئه‌ڤ بڕیارێن ل خوارێ ده‌رئێخستن:
１- نابیت موبایل بچیته د بنگه‌هێ ده‌نگدانێ ڤه.
２- هه‌موو ده‌نگده‌ر پێدڤیه ماسكێ گرێ بده‌ن.
３- بۆ ده‌نگدانا تایبه‌ت ب تنێ كارتا بایۆمه‌تری پێدڤی یه.
４- بۆ ده‌نگدانا ئاواره‌یان ب تنێ كارتا بایۆمه‌تری پێدڤی یه.
５- ده‌نگدانا گشتی كارتا بایۆمه‌تری دگه‌ل ئێك ژ ڤان سێ به‌لگه‌نامان (ناسناما بارێ شارستانی، ره‌گه‌زناما عیراقی یان كارتا نشتیمانی) پێدڤیه.
６- به‌لاڤكرنا كارتێن بایۆمه‌تری هه‌تا ئه‌ڤرۆ 5/10/2021 دێ یا به‌رده‌وام بیت.
７- ده‌نگدانا ئاواره‌یان دگه‌ل ده‌نگدانا تایبه‌ت ل رۆژا 8/10/2021 دێ هێته ئه‌نجامدان.
