لژنا بلند یا تۆمارا بایۆمەتری یا هەرێمێ کۆمبوو
ئەڤرۆ نیوز:
لژنا بلند یا تۆمارا بایۆمەتری ل هەرێمێ ب سەرپەرشتیا، جێگرێ سەرۆک وەزیرێن هەرێمێ کۆمبوو.
لژنا بلند یا تۆمارا بایۆمەتری ب سەرپەرشتیا جێگرێ سەرۆکێ حکومەتا هەرێما کوردستانێ کۆمبوو، تێدا گوتۆبێژ دەر‌بارە‌ی بە‌ردە‌وامیدان ب كارێن وی پڕۆژێ ستراتیجی و پە‌رە‌پێدانێ ب مە‌بە‌ستا زێدەتر مفا وە‌رگرتن د ئامار و داتایێن بایۆمەتری یێ دا.
لدووڤ سیستە‌مێ ئە‌لیكترۆنی یێ ناڤە‌ندی، ل هەرێما كوردستانێ زێدەتر ژ ئێك ملیۆن و 255 ھزار مووچە‌خۆر ھە‌نە، كو هەیڤانە مووچە‌ی ژ حوکمە‌تێ وە‌رد‌گرن، تۆماركرنا مووچە‌خۆران د وی سیستە‌می دا ژ بلی هندێ کو مفایەکێ مەزن ھە‌یە بۆ حوکمە‌تێ، وە‌ك پرۆژە‌کێ ستراتیجی یێ نیشتمانی، ئامانج ژێ پاراستنا ماف و زامنكرنا شایستێن دارایی یێن مووچە‌خۆرانە.
ئاماژە ب هندێ دایە، کو سیستە‌مێ بایۆمەتری دێ بیتە بنە‌مایە‌ك بۆ بریارا حوکمە‌تا ھە‌رێما كوردستانێ تایبە‌ت ب دوبارە دابە‌شكرنا میلاكات و رێكخستنا پەیكەرێ دامودە‌زگەهێن حوکمە‌تا ھە‌رێما كوردستانێ، كو پشکەکا قۆناغا چاكسازیێ یە.
