لژنا ده‌ستپاكی: ل سلێمانیێ ده‌ست ب سه‌ر داهاتێ حوكمه‌تێ هاتیه گرتن
جێگرێ سه‌رۆكێ لژنا ده‌ستپاكیێ ل په‌رله‌مانێ كوردستانێ، سه‌عید هه‌ركی، راگه‌هاند، نوكه نه تنێ قه‌چاخی ل ده‌رگه‌هێن سنووری یێن سلێمانیێ یا به‌رده‌وامه، بگره داهاتێ وی سنووری ژی بۆ گه‌نجینا هه‌رێما كوردستانێ نازڤریت، له‌وما لژنه‌كا ڤه‌كۆلینێ دێ هێته دروستكرن ودێ سه‌ره‌دانا سلێمانیێ كه‌ت.
گۆت ژی، نێزیكی سێ هه‌یڤه داهاتێ ناڤخوه و خالێن سنووری بۆ حوكمه‌تێ نازڤرن و ب ڤێ چه‌ندێ كێشه بۆ داهاتێ حوكمه‌تێ و موچه‌خۆران دروست كریه و ئه‌و پارێ ژ داهاتی دچیته سه‌ر حیسابا به‌نكا حوكمه‌تێ وه‌كو پێدڤی پاره دیار نامینیت.
ئاماژه كر، پێدڤیه خه‌لكێ سلێمانیێ ره‌وشا نوكه بزانن و هێزێن ئاسایشێ و ناڤخوه و خانه‌نشینێن هه‌ولێرێ و دهۆكێ مووچه وه‌رگرتیه، به‌لێ هه‌تا نوكه ل سلێمانیێ وه‌رنه‌گرتیه و ئه‌گه‌ری ژی نه زڤراندنا داهاتێ سلێمانیێ یه بۆ گه‌نجینا حوكمه‌تێ.
