لژنا دووڤچوونێ د كه‌فتنا مووسل دا دێ چ پرسيار ژ بارزانى كه‌ت؟
ئه‌ڤرۆ نيوز:
ئه‌ندامه‌كێ جڤاتا نوونه‌رێن عيراقێ ئاشكه‌را دكه‌ت كو گازيكرنا بارزانى ژ لايێ لژنا ڤه‌كۆلينێ د كه‌فتنا مووسل دا، هه‌لويسته‌كێ سياسى يه وێ پرسيارێ ئاشكه‌را دكه‌ت ئه‌وا دێ ژێ هێته كرن.
شاخه‌وان عه‌بدولا، ئه‌ندامێ جڤاتا نوونه‌رێن عيراقێ كو د هه‌مان ده‌م دا ئه‌ندامێ لژنا دووڤچوونا ئه‌گه‌رێن كه‌فتنا مووسله ژى ئاشكه‌را دكه‌ت كو گازيكرنا بارزانى بۆ لژنێ ژ لايێ سياسى ڤه‌يه نه وه‌كو روويێ قانوونى.
ئاماژه ب وێ چه‌ندێ ژى كر كو په‌رله‌مانتار رازى نه‌بوون پرسياران ل دۆر كه‌فتنا مووسل ئاراسته‌يى مالكى بكه‌ن، د ده‌مه‌كى دا پترترين تۆمه‌ت د ڤێ دوسيێ دا ئاراسته‌يى مالكى دكه‌ن، بڕيار ژى هاتيه دان پرسياره‌كێ ب نڤيسار ئاراسته‌يى بارزانى بكه‌ن و بارزانى ژى د ماوه‌كێ ده‌ستنيشانكرى دا ب نڤيسار به‌رسڤێ بده‌ت.
ده‌رابه‌رى پرسيارا دێ ژ بارزانى هێته كرن، ئه‌ڤ په‌رله‌مانتاره دبێژيت: “پرسياره ئه‌وه كا ده‌ما په‌يوه‌ندى ب مالكى كرى ده‌رباره‌يى ره‌وشا مووسل و ئاماده‌يا پێشمه‌رگه‌يى نيشان دايى بۆ هاريكاريا وان، مالكى چاوان به‌رسڤ دايه”.
