لژنەیەك بۆ زڤڕینا ئاوارەیان هاتیە پێكئینان
دهۆك، لەزگین جوقی:
جێگرێ پارێزگارێ نەینەوا دیار كر، 12 هزار معاملەیێن خەلكێ شنگالێ بۆ قەرەبووكرنێ د بەرهەڤن، ل دووڤ بڕیارا حوكمەتا ئیراقێ نوكە چار ملیۆن دینار وەكو هاریكاری دهێنەدان بۆ هەر ئاوارەكێ ژ كەمپان ب زڤڕیتە سەر جهێ ئاكنجیبوزنا خۆ.
عومەر عەلی، جێگرێ پارێزگارێ نەینەوا بۆ ئەڤرۆ خویا كر، نوكە بڕیار هاتیەدان، هەژمارەكا خێزانێن ئاوارە ژ كەمپا هۆلی ڤەگەڕنە كەمپا جەدعە ل نەینەوا و پشتی دەمەكی د ناڤ جڤاكی دا دهێنە تێكەلكرن و گۆت: «بڕیار ئەوە؛ هەتا 1/7/2024ێ كەمپێن ئاوارەیان ل هەرێما كوردستانێ نەمینن و هەمی كەمپ بهێنە دائێخستن و هاریكاریا وان ئاوارەیان دێ هێتە كرن یێن ڤەدگەڕنە سەر جهـ و مالێن خۆ و گوژمێ چار ملیۆن دیناران ل گەل پێدڤیێن ناڤمالێ دێ وەرگرن، دیسا بڕیارە دو هزار و 500 خانیان ژی بۆ وان خێزانێن خانی نەبن بهێنە ئاڤاكرن».
ناڤهاتی گۆتژی: «لژنەك ل ئیراقێ بۆ زڤڕینا ئاوارەیان هاتیە پێكئینان و چاڤەڕێ دهێتە كرن، ئەڤ سالە ئاوارە ل ئیراقێ نەمینن و هەمی ب زڤڕنە سەر جه و وارێن خۆ».
