لیۆا عەبدولقھار دۆسکی: کۆبانێ کولان ب کولان یا دھێتە ئازاد کرن
ئەڤرۆ، ئازاد نسری:
فەرماندێ ھێزێن پشتەڤانیا پێشمەرگێن باشوورێ کوردستانێ ل کۆبانێ دیار کر کو شەڕ ل کۆبانێ یێ بەردەوامە و شەڤا دی حەفت جادێن کۆبانێ ژ تیرۆرستێن داعش ھاتنە ستاندن.
لیۆا عەبدولقھار مەجید دۆسکی ئاشکرا کر کو سێ جە ل رۆژھەلاتێ کۆبانێ و چار ژی ل باشورێ کۆبانێ ژ چەکدارێن داعش ستاندینە و بۆ رۆژناما ئەڤرۆ گۆت: “شەش تیرۆرستێن داعش د ڤێ روو ب رووبوونێ دا ھاتنە کوشتن و ھژمارەکا چەک و تەقەمەنیان ل دووڤ خوە ھێلاینە”.
دۆسکی ھەروەسا دیار کر کو پێشڤەچوون ل کۆبانێ یا بەردەوامە و ئەو بەردەوام بارەگایێن داعش توپبارن دکەن و گۆت: “ھەتا نوکە ھێزێن پشتەڤانیا پێشمەرگێن باشوورێ کوردستانێ ل کۆبانێ ب سلامەتن”.
