لێخۆشبوونەكا دی یا دارایی چوو د بیاڤێ بجهئینانێدا
ڕێڤەبەرییا باجا دەرامەت و کۆمپانیێن حکومەتا هەرێما کوردستانێ ڕاگەهاند، لێخۆشبوونا سزایی كەتە د ستویێ قەرزدار و باجدەران بۆ سالێن پێشتر چوویە د بیاڤێ بجهئینانێدا، نوكە وەلاتی دشێن سەرەدانا ڕێڤەبەرییێ بکەن.
دوهی ڕۆژا دوشەمبی، ل دویڤ نڤیسارەكا ڕێڤەبەرییا باجا دەرامەت و کۆمپانیێن حکومەتا هەرێما کوردستانێ کو ئیمزایا د. کەمال تەیب، ڕێڤەبەرێ گشتی ل سەرە دیاركریە، ژ پێخەمەت بەرژەوەندییا گشتی و ساناهیكرنا كاری بۆ وەلاتییان و سڤكرنا بارێ وەلاتییان و بەرچاڤ وەرگرتنا ڕەوشا دارایی و ئابووریی ل کوردستانێ، ب پشتەڤانییا بڕیارا جڤاتا وەزیران، ل 14ـێ نیسانا 2024ـێ ڤەكۆلین و دویڤچوونا ژمارە 3900 ڕێككەفتی 8ـی نیسانا 2024ـێ کو تایبەت ب لێخۆشبوونا سزایی كەتە د ستویێ قەرزدار و باجدەران بۆ سالێن پێشتر.
