لەشکرەکێ ێسرائیل گەهشتە داعش
ئەڤرۆنیوز، ئەیاد بەرواری:
دەزگەھێ ئەمنا گشتی یێ ئیسرائیلی (شاباک)، ئەڤرۆ ئێکشەمبی ئاشکراکر کو سەربازەکێ ئیسرائیلی پشتی خزمەتا خوە یا لەشکری دناڤ لەشکرێ ئیسرائیلێ دا ب دووماھی ئینای یێ گەھشتیە رێزێن رێکخستیا دەولەتا ئیسلامی (داعش) یا تیرۆرستی.
دەزگەھێ شاباک یێ ئیسرائیلی بۆ ئاژانسا (فرانس پرێس) دیارکر کو ئەو سەربازە بەری سالەکێ یێ گەھشتیە داعشێ و نوکە شەڕی دناڤ رێزێن داعشێ دا دکەت و ئەڤە جارا ئێکێ یە سەربازەکێ ئیسرائیلی بگەھیتە داعشێ.
ئەو سەربازێ بەرێ یێ ئیسرائیلی کو خەلکێ گوندەکێ عەرەبی یە ل دەەرا (جەلیل) ب ڕێیا تورکیا گەھشتبوو سووریێ.
