لەیلا زانا دێ سەرەدانا ئۆجەلانی کەت
مالپەرێ مللیەت یێ تورکیا د راپۆرتەکێ د دیار دکەت کو دەمێ سەرەدانا شاندێ پارتیا دیموکراتی یا گەلان بۆ ئیمرالی و ھەڤدیتنان وان ل گەل عەبدوللا ئۆجەلان سەرۆکێ زیندان کری یێ PKK ئۆجەلانی داخواز ژ شاندێ کریە کو دڤێت لەیلا زانا سەرەدانا وی بکەت.
د بەردەوامیا راپۆرتێ دا ئاماژە ب ڤێ یەکێ ھاتیە کرن کو ئۆجەلان دڤێت ب رێیا لەیلا زانا سەبارەت ب گێرانا کۆنگرێ نەتەوی و پەیوەندیێن ل گەل ھەرێما کوردستانێ و قەندیل داخۆیانیێن گرنگ بدەت و پشتی زانا سەرەدانا ئۆجەلانی بکەت دێ ئێکسەر ھێتە ھەرێما کوردستانێ و پاشی دێ بچیتە قەندیلێ و ل گۆر ھەمان رۆژنامێ رەنگە دو ھەفتیێن دی لەیلا زانا سەرەدانا ئۆجەلانی بکەت.
