ل ئاكرێ و دهۆك پێنج پرۆژێن ساخله‌میێ دهێنه ڤه‌كرن
ئه‌ڤرۆ نیوز ، نه‌وزاد هلۆرى:
ئه‌ڤرۆ سپێدێ ب به‌رهه‌ڤبوونا وه‌زیرێ ساخله‌میا هه‌رێما كوردستانێ و پارێزگارێ دهۆك و بالیوزێ ئێكه‌تیا ئورۆپا پێنج پرۆژێن ساخله‌میێ ل سنۆرێ قه‌زا ئاكرێ و پارێزگه‌ها دهۆك هاتنه ڤه‌كرن و هنده‌ك پرۆژه‌یان ژى به‌رێ بنیاتى بۆ هاته‌دانان.
رێكه‌وت حه‌مه سالح وه‌زیرێ ساخله‌میا هه‌رێما كوردستانێ د كونفرانسه‌كێ رۆژنامه‌ڤانى دا گۆت: “ئه‌ڤرۆ ئه‌م ل دهۆك و ئاكرێ به‌رهه‌ڤین بۆ ڤه‌كرنا پێنج پرۆژێن مه‌زن یێن ساخله‌میێ كو كوژمێ هه‌موو پرۆژه‌یان زێده‌تر ژ 59 ملیۆن و 900 هزار دولاران).
زێده‌تر گۆت: (حوكمه‌تا هه‌رێما كوردستانێ ب هه‌ڤكاریا ئێكه‌تیا ئورۆپا دێ به‌رده‌وام بیت ل سه‌ر ڤه‌كرن و دروستكرنا پرۆژێن ساخله‌میێ”.
ژ لایه‌كێ دنڤه فه‌رهاد ئه‌ترووشى دیاركر كو ئێكه‌تیا ئورۆپا و چه‌ند رێكخراوه‌كێن دی كار و خزمه‌تێن باش بۆ خه‌لكێ دهوك و ئاواره و په‌نابه‌ران كرینه و گۆت: “خه‌لكێ پارێزگه‌ها دهۆك قوربانیێن زور و شه‌هید و بریندارێن زور داینه و هژماره‌كا زۆرا ئاواره و په‌نابه‌ران هه‌بوون و گڤاشتنه‌كا زۆر ل سه‌ر كه‌رتێ ساخله‌میێ ل دهۆكێ كریه، به‌لێ حوكمه‌تا هه‌رێما كوردستان و پارێزگه‌ها دهۆك و كه‌رتێ ساخله‌میێ ل دهۆك به‌رده‌وام بوویه و كار و خزمه‌تێن به‌رچاڤ كرینه و دێ به‌رده‌وام بین).
