ل بێجى چار سه‌ركردێن داعشێ هاتنه كوشتن
ئه‌ڤرۆ نیۆز:
عه‌بدلوه‌هاب ئه‌ساعدى فه‌رماندێ ژۆرا پرۆسا له‌شكرى یا پارێزگه‌ها سلاحه‌دین دیاركر، چار سه‌ركردێن پله‌دارێن چه‌كدارێن داعشێ د شه‌رێ باژێرێ بێجى دا هاتینه كوشتن.
ئه‌ساعدى دداخویانیه‌كێ دا بۆ ئاژانسا شه‌فه‌ق نیۆز گۆت: هه‌ر چار تیرۆستێن داعشێ موشعل حه‌ماد و عه‌لى سولتان و عیسا ئه‌لبجارى و عه‌بدوللا سولتان د شه‌رێ تاخێ پیشه‌سازى دا هاتنه كوشتن.
هێزێن له‌شكرێ عیراقێ ب كووراتیا قه‌زا بێجى دا چوینه خار كو مه‌زنترین پارزنینگه‌ها په‌ترۆلا باكورێ عیراقێ لێ هه‌یه و شیان ده‌رڤه‌رێن وێ هه‌موو یان ئازاد بكه‌ن.
هێزا به‌رهه‌مئینانا پارزنینگه‌ها 300 هه‌زار به‌رمیلان رۆژانه ده‌ردئێخیت و هه‌موو پارێزگه‌هێن عیراقێ ب به‌رهه‌مێن سۆته‌مه‌نیا خوه دابین دكه‌ت، زێده‌بارى ژێده‌رێ سه‌ره‌كى یێ كاره‌با به‌غدا ژى.
