ل بەغدا ئالۆزی دناڤبەرا خوەپیشاندەران و هێزێن ئەمنی دا دروستبوو
ئەڤرۆ نیوز:
خوەپیشاندەرێن بەغدا و هێزێن ئەمنی روو ب روو ئێک بوون و ئالۆزی دناڤبەرا وان دا دروستبوو، هەروەسا کوشتی و بریندار ژی هەنە.
ب ئەگەرێ کەفتنا ئالۆزیان دناڤبەرا خوەپیشاندەران و هێزێن ئەمنی دا ل پرا سنک ل بەغدا هەتا نوکە خوەپیشاندەرەک هاتیە کوشتن و 10 خوەپیشاندەر ژی برینداربووینە.
کۆمیسیۆنا بلند یا مافێن مرۆڤی ل عیراق ئاماژە ب هندێ دایە کو هەتا نوکە پتری 500 کەسان هاتینە کوشتن و ب هزاران کەس ژی بریندار بووینە.
