ل جۆله‌مێرگێ “هه‌رێما ئێمناهيا تايبه‌ت” هاته راگه‌هاندن
ئه‌ڤرۆ نيوز:
هنده‌ك ده‌ڤه‌رێن سه‌ر ب ناڤه‌ندا جۆله‌مێرگ و ده‌ڤه‌رێن شه‌مزينان و چه‌لێ و گه‌ڤه‌رێ ڤه ژ 6ى ئيلۆنێ وێڤه هه‌تا 15 رۆژان وه‌كو “هه‌رێمێن ئێمناهيا تايبه‌ت” هاتنه راگه‌هاندن.
واليێ جۆله‌مێرگێ ب داخۆيانيه‌كا نڤيسايى راگه‌هاند كو ژ به‌ر چالاكيێن گه‌ريلايێن په‌كه‌كێ ل 30 ده‌ڤه‌رێن سه‌ر ب جۆله‌مێرگێ و ده‌ڤه‌رێن وێ شه‌مزينان، چه‌لێ و گه‌ڤه‌رێ ڤه وه‌كو هه‌رێما “هه‌رێما ئێمناهيا تايبه‌ت” هاتنه ده‌ستنيشانكرن.
د داخۆيانيێ دا هاتيه دياركرن ژى كو هه‌ر تشتێ پێدڤى بيت ل هه‌مبه‌ر هێرش و گه‌فێن په‌كه‌كێ ژبۆ پاراستنا ده‌وله‌تێ د چارچۆڤێ قانوونێ دا دێ هێنه كرن.
ده‌ڤه‌رێن ل ناڤه‌ندا باژێرى و سه‌ر ب شه‌مزينان، چه‌لێ و گه‌ڤه‌رێ ژ 6ى ئيلۆنێ هه‌تا 20ى ئيلۆنێ وه‌كو “هه‌رێما ئێمناهيا تايبه‌ت” هاتنه راگه‌هاندن.
ژ وه‌لاتيان ژى هاتيه خواستن كو بێ ده‌ستوورى نه‌چنه ده‌ڤه‌رێن وه‌كو “هه‌رێما ئێمناهيا تايبه‌ت” هاتينه راگه‌هاندن.
